Pahayagan ni San Esteban

Unang Pagbasa: Isaias 35:1-6.10 Ang ulilang lupaing malaon nang tigang ay muling sasaya, mananariwa at mamumulaklak ang ilang. Ang dating ilang ay aawit sa tuwa, ito’y muling gaganda tulad ng mga Bundok ng Libano at mamumunga nang sagana, tulad ng Carmelo at Saron. Mamamasdan ng lahat ang kaningningan at kapangyarihan ng Panginoon. Inyong palakasin ang mahinang kamay, at patatagin ang mga tuhod na lupaypay. Ito ang sabihin sa pinanghihinaan ng loob: “Huwag kang matakot, laksan mo ang iyong loob. Darating na ang Panginoong Diyos, at ililigtas ka sa mga kaaway.” Ang mga bulag ay makakikita, at makaririnig ang mga bingi. Katulad ng usa, ang pilay ay lulundag. Aawit sa galak ang mga pipi. Ang mga tinubos ng Panginoon ay babalik sa Jerusalem, masiglang umaawit ng pagpupuri. Paghaharian sila ng kaligayahan. Lungkot at dalamhati ay mapapalitan ng tuwa at galak magpakailanman. Salmo: Awit 145  Tugon: Halina, Panginoong D’yos            ...

Unang Pagbasa: Genesis 3:9-15. 20 Pagkakain ni Adan sa bunga ng puno, tinawag siya ng Panginoon at tinanong, “saan ka naroon?” “Natakot po ako nang marinig ko kayong nasa hardin; nagtago po ako sapagkat ako’y hubad,” tugon ng lalaki. “Sinong may sabi sa iyong hubad ka?” tanong ng Diyos. “Bakit kumain ka ba ng bungang ipinagbabawal ko?” “Kasi, pinakain po ako ng babaing ibinigay ninyo sa akin,” tugon ng lalaki. “Bakit mo naman ginawa iyon?” tanong ng Diyos sa babae. “Mangyari po’y nilinlang ako ng ahas, kaya ako natuksong kumain,” tugon naman niya. At sinabi ng Panginoon sa ahas: “Sa iyong ginawa’y may parusang dapat, na tanging ikaw lang yaong magdaranas; ikaw ay gagapang, ang hatol kong gawad, at alikabok ang pagkaing dapat. Kayo ng babae’y laging mag-aaway, binhi mo’t binhi niya’y laging maglalaban. Ito ang dudurog ng ulo mong iyan, at ang sakong niya’y ikaw ang tutuklaw.” Eva ang itinawag ni Adan sa kanyang asawa, sapagkat ito ang ina ng sangkatauhan. Salmo: Awit 97:1. 2...

Unang Pagbasa: Isaias 11:1-10 Sa araw na iyon: Sa lahi ni Jesse ay lilitaw ang isang hari, tulad ng supling mula sa isang tuod. Mananahan sa kanya ang espiritu ng Panginoon, bibigyan siya ng katalinuhan at pagkaunawa, ng kaalaman at kapangyarihan, ng karunungan at takot sa Panginoon. Kagalakan niya ang tumalima sa Panginoon. Hindi siya hahatol ayon sa nakikita, o batay sa narinig sa iba. Bibigyan niya ng katarungan ang mga dukha, ipagtatanggol ang karapatan ng mga kawawa. Ang salita niya’y parang tungkod na ipapalo sa malulupit, ang hatol niya’y kamatayan sa masasama. Katarungan at katapatan ang paiiralin niya sa kanyang pamamahala.  Maninirahan ang asong-gubat sa piling ng kordero, matutulog ang leopardo sa tabi ng batang kambing. Magsasama ang guya at ang batang leon, at ang mag-aalaga sa kanila’y batang paslit. Ang baka at ang oso’y magkasamang manginginain, ang mga anak nila’y magkakatabing matutulog. Kakain ng damo ang leon na animo’y toro.  Maglalaro ang...

Kailan nga ba darating ang Panginoon?  Mga Kapatid, tayo ngayon ay papasok na sa Bagong Taon ng ating Inang Simbahan. Muli nanamang iikot ang Panahong-Liturhikal ng Simbahan na pangungunahan ng Panahon ng Adbiyento, ang Panahon ng Paghahanda sa Pagdating ng Manunubos. Ang ating Ebanghelyo at mga Pagbasa ngayong Linggo ay nakatuon sa kung ano ang mga mangyayari sa Pagbabalik ni Hesus.  Sa Unang Pagbasa, inanyayahan tayo ni Propeta Isaias na magbalik-loob sa Panginoon "upang malaman natin ang kanyang mga daan at matuto tayong lumakad sa kanyang mga landas." (Is 2) Sa Ikalawang Pagbasa, sa Sulat ni Apostol San Pablo sa mga taga-Roma, tayo ay pinaghahanda at binabalaan na gumising na sa pagkakatulog, sapagkat ang Panginoon ay darating na. Layuan ang kasalanan at hayaang manalig si Hesus sa ating buhay.  At sa ating Ebanghelyo, ang Panginoong Hesus mismo ang nagsabi na ang Pagbabalik ng Anak ng Tao sa Sanlibutan "ay matutulad sa pagdating ng baha noong panahon ni ...

Unang Pagbasa: Isaias 2:1-5 Ito ang pangitain ni Isaias na anak ni Amoz tungkol sa Juda at sa Jerusalem: Sa mga huling araw, ang bundok na kinatatayuan ng Templo ng Panginoon ay mamumukod sa taas sa lahat ng bundok. Daragsa sa kanya ang lahat ng bansa. Ang maraming taong lalapit sa kanya ay magsasabi ng ganito: “Halikayo, umahon tayo sa bundok ng Panginoon, sa Templo ng Diyos ni Jacob, upang malaman natin ang kanyang mga daan at matuto tayong lumakad sa kanyang mga landas.  Sapagkat sa Sion magmumula ang Kautusan, at sa Jerusalem, ang salita ng Panginoon.” Siya ang mamamagitan sa mga bansa at magpapairal ng kapayapaan. Kung magkagayon, gagawin na nilang sudsod ang kanilang mga tabak, at karit ang kanilang mga sibat. Wala nang magsasanay sa pakikibaka at mawawala na ang mga digmaan. Halina kayo, sambahayan ni Jacob, at tayo’y lumakad sa liwanag ng Panginoon.  Salmo: Awit 121 Tugon:  Masaya tayong papasok              sa...

Ngayong Linggo, ay papasok nanaman tayo sa isang Panibagong Taon ng ating Inant Simbahan. Muli nanamang iikot ang mga Panahong-Liturhikal. At ang Pinakauna sa mga Panahon, ay ang Panahon ng Adbiyento.  Tama po. ADBIYENTO, HINDI PASKO! Ang Adbiyento ay nagsimula sa wikang Latin na "Adventus", na nangamgahulugang "Pagdating". Sa ating Panahong Liturhikal, ang Adbiyento ay isang Panahon ng Paghahanda.  Sa Panahong ito, inaayayahan tayo ng Simbahan na Ihanda ang ating mga Sarili para sa nalalapit na Pagdating ng Manunubos, ng Salitang Nagkatawang-tao.  At tuwing Panahon ng Adbiyento, ay may nakikita tayong isang kakaibang elemto o dekorasyon sa loob ng Simbahan. Ito ay karaniwang Bilog, may dekorasyong kulay-Luntian, at mayroong Apat o Limang Kandila na may Kulay na Ube, Rosas, at Puti. Ito ang KORONA NG ADBIYENTO.  Ano nga ba ang Korona ng Adbiyento? Ito ay ang magiging katuwang natin sa ating Paghahanda sa nalalapit na Pagdating ng Mesiyas, ng Manunubos....