#PSEBalita | PADRE RONIE, NAKAALIS NA

BAGAC, Bataan-----Madaling araw ng Lunes, Nobyembre 23, nang umalis si Rev. Fr. Ronie Durens Gumagay, RCJ, sa Parokya ni San Francisco Xavier at Santo Hannibal Maria di Francia, Barangay Parang, sa bayang ito.

Matatandaang Hunyo ng nakaraang Taon nang dumating si Fr. Ronie sa ating Parokya kasama si Rev. Fr. Tommy Latina, RCJ, para magsilbi bilang mga Parochial-Vicar ng Parokyang nasa ilalim ng pangangalaga ng mga Paring Rogasyonista. 

Ayon sa pahayag ng Kura-Paroko at Superior ng Misyong-Rogate sa Bataan na si Rev. Fr. Ricardo Caperiña, RCJ, ilang araw pa lamang ang nakalipas nang dumating ang sulat ukol sa magiging bagong Misyon ni Fr. Ronie. Isinaad din niya na bago magtungo sa Poland si Fr. Ronie ay kinakailangan muna niyang mag-sanay sa Italya ng Anim na Buwan. Dalawang Taon mananatili sa Poland si Fr. Ronie, kung kaya't bago mangibang-bansa ay magbabakasyon muna siya sa Cebu, kung nasaan ang kanyang minamahal na Ina. 

Bago ang kanyang pag-alis sa Parang, ay nagdaos si Fr. Ronie ng kanyang huling Misa bilang Parochial-Vicar noong Linggo, Dakilang Kapistahan ni Kristong Hari, na dinaluhan ng mga Kabataan, bilang siya ay Spiritual Director ng mga pang-Kabataang Organisasyon, ng mga Pamunuan mula sa iba't-ibang organisasyon ng Parokya, at ng mga mananampalataya ng Parokya. Nagkaroon din ng kaunting salu-salo matapos ang Banal na Misa, na nagsilbi na ring "Despedida" Party.

"May tatlong bagay po akong nais sabihin sa inyo ngayong gabing ito. Una, ay Happy New Year po, sapagkat sa susunod na Linggo ay papasok na po tayo sa bagong Taon ng ating Simbahan. Babati na po ako, at baka hindi ko na po kayo mabati sa susunod... Ikalawa, nais ko pong ipaalam na ito na po ang huli kong Misa sa ating Parokya, at ako po ay nagpapasalamat sa inyo... Paalam na sa lupang natutunan ko nang mahalin. Salamat po sa inyong mainit na pagtanggap sa akin... Ikatlo, ay nais ko pong hingiin ang inyong mga Panalangin para sa aking bagong Misyon.", bahagi ng  Mensahe-Pasasalamat ni Fr. Ronie bago ang kanyang huling Pagbabasbas. "'Medyo' malayo man po ang bago kong Misyon, ay naaabot pa naman po ito ng text, at email.", biro pa niya.

"Nakangiti man tayo ngayon at nagpapasalamat kay Fr. Ronie, ay alam kong lahat tayo ay nalulungkot sa kanyang pag-alis. Isama natin siya sa ating mga Panalangin para sa kanyang bagong Misyon. Maraming Salamat Fr. Ronie at naging bahagi ka ng Pamayanang ito, ng Parokya ni San Francisco Xavier at Santo Hannibal Maria di Francia.", pahayag ni Fr. Ricky. (ngd)

Ilang larawan kuha sa Huling Misa ni Fr. Ronie bilang Parochial-Vicar, mula kay Alex Jhoey Adona.

Mga Komento

Mag-post ng isang Komento

Mga sikat na post sa blog na ito

SAN ESTEBAN: Maikling Kwento

Imahe
Nang marinig ng mga Hudyo ang pagsasalaysay ng mga aral ng Panginoon sa bibig ng isang Kristiyano ay nagngitngit ang kanilang mga puso at nagngalit ang kanilang mga ngipin.  “Tingni,” wika ng Kristiyanong ito, “nakikita kong bukas ang mga langit, at ang Anak ng Tao ay nakatayo sa kanan ng Diyos.”  Naghiyawan nang malakas ang mga Hudyo, tinakpan ang kanilang mga tainga, at sabay-sabay siyang sinunggaban at kinaladkad sa labas ng bayan upang batuhin.  Bago siya nalagutan ng hininga, nagdasal ang Kristiyano: “Panginoong Jesus, tanggapin Mo ang aking kaluluwa.  Huwag Mong iparatang sa kanila ang kasalanang ito.” Iyan ang pagkamartir ni SAN ESTEBAN, isa sa pitong diakonong pinili ng mga Apostol, na namatay at naging unang martir noong taong 34 humigit-kumulang.  Ang diakono ay katulong ng mga Apostol sa pag-aalaga ng mga maralit at sa pangangaral sa mga tao.  Tungkol kay Esteban (pangalang sa Griyego ay nangangahulugang  may korona ), ito ang papuri ng...
Magbasa nang higit pa

#PSEBalita | PRUSISYON SA KAPISTAHAN NI SAN FRANCISCO XAVIER, KAKAIBA SA MGA NAKARAANG PAGDIRIWANG!

Imahe
BAGAC, Bataan ----- Isinagawa kahapon, Ika-03 ng Disyembre 2020, ang Prusisyon ng Orihinal na Imahen ni San Francisco Xavier ng Barangay Parang ng nasabing bayan. Kasama rin sa Prusisyon ang Imahen ni Santo Hannibal Maria di Francia, ang Segunda Patron ng Parokya.  Maliban sa pinagdaraanan nating Pandemya ngayon, ay sinasabing naging kakaiba ang isinagawang Prusisyon na nataon sa Pagdiriwang ng Ika-40 Taong Anibersaryo ng pagiging Parokya ng simbahan. Simula kasi ng maging Parokya ang noo'y Kapilya ni San Francisco Xavier sa Parang, ay ngayon lamang nailibot ang Imahen sa buong nasasakupang Parokya (maliban sa Matalangao). Ganap na ika-5:30 ng Hapon nang ilabas sa Simbahan ang mga Imahen, na binigyang hudyat naman ng pagpapatunog sa Kampana ng Simbahan. Ito ay unang iniikot hanggang sa Arko ng Bayan ng Bagac na nasa Tulay ng Culvo. Iniikot din ang Prusisyon sa likod ng Simbahan, pabalik sa National Road. Binaybay ng Prusisyon ang kaha...
Magbasa nang higit pa

MGA PAGBASA | Dakilang Kapistahan ng Lahat ng mga Banal

Imahe
01 NOBYEMBRE 2020 Dakilang Kapistahan ng Lahat ng mga Banal MGA PAGBASA:  Unang Pagbasa: Pahayag 7:2-4.9-14 Ako’y si Juan, at nakita kong umaakyat sa gawing silangan ang isa pang anghel, taglay ang pantatak ng Diyos na buhay. Humiyaw siya sa apat na anghel na binigyan ng Diyos ng kapangyarihang maminsala sa lupa at sa dagat, “Huwag muna ninyong pinsalain ang lupa, ang dagat, o ang mga punongkahoy. Hintayin ninyong matatakan sa noo ang mga lingkod ng ating Diyos.” At sinabi sa akin ang bilang ng mga tinatakan – sandaa’t apatnapu’t apat na libo buhat sa labindalawang lipi ng Israel.  Pagkatapos nito’y nakita ko ang napakaraming taong di kayang bilangin ninuman! Sila’y mula sa bawat bansa, lahi, bayan, at wika. Nakatayo sila sa harap ng trono at ng Kordero, nakadamit ng puti at may hawak na mga palaspas. Sabay-sabay nilang sinabi, “Ang kaligtasan ay mula sa Kordero, at sa ating Diyos na nakaluklok sa trono!” Tumayo ang lahat ng anghel sa palibot ng trono, ng mata...
Magbasa nang higit pa