Pahayagan ni San Esteban

Pumanaw na noong Agosto 26 ang Lub. Kgg. na Arsobispo, OSCAR CRUZ, dahil sa edad na 85. Ayon sa inilabas na ulat ng CBCP News, pumanaw ang Arsobispo sa Cardinal Santos Hospital dahil sa iniinda nitong malubhang Karamdaman. Si Archbishop Cruz ay isang tunay na Bataeño o Anak ng Bataan. Siya ay isinilang noong Nobyembre 17, 1934, sa noo'y Bayan ng Balanga, Bataan. Nakilala si Arch. Cruz dahil sa kanyang taglay na Tapang sa Pagbibigay ng Kritisismo sa mga kilalang Pulitiko, kabilang na ang dating mga Pangulo ng Bansa na sina Joseph Estrada, Gloria Arroyo, Noynoy Aquino, at maging si Pangulong Duterte.   Kilala rin siya sa kanyang pagpuna at kritisismo maging sa mga tao sa loob ng Simbahang Katolika. "Sa ilaw na Walang Hanggan, Kapayapaan kailanma'y pagkamitin ng Maykapal. ang giliw naming Arsobispo, sa piling ng Poong Mahal."

Muling Pinayagan ang pagbubukas ng Banal na Misa sa Publiko sa buong Diyosesis ng Balanga, ayon sa Pahayag ng Lub. Kgg. RUPERTO C. SANTOS, D.D., SThL, Obispo ng Balanga. Muling isinaepektibo ng minamahal na Obispo ang Direktibang-Pastoral Blg. 9, na naglalaman ng Pagbubukas ng Pinto ng Simbahan para sa mga Nagnanais magsimba. Sa Direktiba ring ito nakatala ang mga alituntunin sa Pagdalo sa Banal na Pagdiriwang, maging ang pagbibigay pahintulot sa mga Kura-Paroko na magtakda ng Bilang ng mga Maaaring Magsimba, at Bilang ng mga Isasagawang Pagdiriwang. Kaugnay ng nasabing Muling Pagbubukas ng Banal na Misa sa Publiko, NARITO ANG MGA ORAS N BANAL NA MISA sa Parokya ni San Francisco Xavier at Santo Hannibal Maria di Francia (Parang, Bagac, Bataan)